ღონისძიება ევროპის საბჭოს საქართველოს ოფისის ხელმძღვანელის მოადგილემ სტეფან სირბუმ, სპეციალური საგამოძიებო სამსახურის უფროსმა კოკა კაციტაძემ, შინაგან საქმეთა მინისტრის მოადგილემ ალექსანდრე დარახველიძემ, სახალხო დამცველის მოადგილემ გიორგი ბურჯანაძემ და ევროპის საბჭოს პოლიციისა და თავისუფლების აღკვეთის საკითხებზე თანამშრომლობის მე-2 განყოფილების ხელმძღვანელმა დონჩე ბოშკოვსკიმ გახსნეს; ღონისძიების გახსნით ნაწილში კოკა კაციტაძემ დამოუკიდებელი საგამოძიებო სამსახურის ინსტიტუციური განვითარებაზე, პროცესის მონაწილე პირთა უფლებრივი მდგომაროების გაუმჯობესებაზე და პარტნიორ უწყებებთან მჭიდრო თანამშრომლობის მნიშვნელობაზე ისაუბრა, ასევე ყურადღება კონკრეტულ რეფორმებზე გაამახვილა, რომელიც სამომავლოდ უნდა განხორციელდეს.შეხვედრის მონაწილეებმა სამომავლო თანამშრომლობის გაგრძელების მზაობა გამოთქვეს; ევროპის საბჭოს აღნიშნული პროექტი პარტნიორ უწყებებთან მჭიდრო თანამშრომლობით, 2021 წლიდან ხორციელდება. პროექტის მიზანია საქართველოს ხელისუფლების მხარდაჭერა საპოლიციო საქმიანობის ეფექტიანი და ანგარიშვალდებული წესით შესრულების მონიტორინგში, ადამიანის უფლებების სტანდარტების გაძლიერების გზით.