კოკა კაციტაძე იურიდიულ საკითხთა კომიტეტის თავმჯდომარეს ანრი ოხანაშვილს შეხვდა

სპეციალური საგამოძიებო სამსახურის უფროსი კოკა კაციტაძე და მოადგილე ნათია სონღულაშვილი საქართველოს პარლამენტის იურიდიულ საკითხთა კომიტეტის თავმჯდომარეს ანრი ოხანაშვილს შეხვდნენ.

შეხვედრაზე მხარეებმა სპეციალური საგამოძიებო სამსახურის შესახებ საქართველოს კანონში განსახორციელებელ ცვლილებებზე ისაუბრეს, რაც სამსახურის ინსტუტიციური და ფუნქციური დამოუკიდებლობის გაზრდას ისახავს მიზნად. კერძოდ, ეს ეხება დაზარალებულთა უფლებების გაუმჯობესებას, თანამშრომელთა სოციალური დაცვის გარანტიების გაფართოებას და სხვა მნიშვნელოვან მიმართულებებს. 

საკანონმდებლო ორგანოსთან თანამშრომლობა, სპეციალური საგამოძიებო სამსახურის მიზნების ეფექტურად განხორციელებისათვის, მომავალში აქტიურად გაგრძელდება.

საქართველოს პარლამენტში გამართულ შეხვედრას იურიდიულ საკითხთა კომიტეტის თავმჯდომარის მოადგილე რატი იონათამიშვილი და კომიტეტის აპარატის თანამშრომლები ესწრებოდნენ.