You are visiting a website of the Special Investigation Service In order to improve your user experience, the website is using cookies. For additional information on cookie policy, please move to the following link Cookie Policy
I accept the use of cookies I refuse the use of cookies

15 Mar 2022

სპეციალური საგამოძიებო სამსახურის განცხადება

ტელეკომპანია „პირველი“-ს ეთერში გაჟღერდა არასწორი ინფორმაცია სამსახურის უფროსის მოადგილის, ნათია სონღულაშვილის მიმართ ინტერესთა კონფლიქტის თითქოსდა არსებობის შესახებ, სამსახურის წარმოებაში არსებულ საქმეზე მიხეილ სააკაშვილის მიმართ შესაძლო არაადამიანური მოპყრობის ფაქტზე.
აქვე გვინდა აღვნიშნოთ, რომ სისხლის სამართლის საქმეზე პროცესის მონაწილეებს შორის შესაძლებელია არსებობდეს მონაწილეობის გამომრიცხავი გარემოება და არა ინტერესთა კონფლიქტი.
სისხლის საპროცესო კანონმდებლობა მკაფიოდ განმარტავს, რომ პროკურორის და გამომძიებლის მიერ თავიანთი ფუნქციების შესრულება პროცესის არც ერთ სტადიაზე არ აბრკოლებს მათ შემდგომ მონაწილეობას.
საგამოძიებო სამსახურის უფროსს ჰყავს პირველი მოადგილე და მოადგილე, რომელთა შორის ფუნქციების განაწილების შესახებ ბრძანებით, ნათია სონღულაშვილი ხელმძღვანელობს სამსახურის ადმინისტრაციულ აპარატს და მასში შემავალ დეპარტამენტებს. მის საკურატორო სფეროდ არ არის განსაზღვრული საგამოძიებო დეპარტამენტი, აქედან გამომდინარე, მას რაიმე შემხებლობა ვერ ექნება სამსახურის წარმოებაში არსებულ საქმეზე.
შესაბამისად, ტელეკომპანია „პირველი“-ს ეთერში გავრცელებული ინფორმაცია და გაკეთებული კომენტარები, სამსახურის უფროსის მოადგილის ნათია სონღულაშვილის ინტერესთა კონფლიქტის შესახებ არის ტყუილი და არ შეესაბამება სიმართლეს.